അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇത്തവണത്തെ ഓണം റിലീസ് സിനിമകളില് ഒന്നാണ് ആസിഫലി ചിത്രം ‘കിഷ്കിന്ധാ കാണ്ഡം’. ഗുഡ് വില് എന്റര്ടെയ്ന്മെന്റിന്റെ ബാനറില് ജോബി ജോര്ജ് നിര്മിച്ച കിഷ്കിന്ധാകാണ്ഡം വലിയ പ്രേക്ഷക പ്രശംസ നേടി തീയേറ്ററുകളില് മുന്നേറുകയാണ്. ഇപ്പോള് ഇതാ സിനിമ കണ്ടതിനുശേഷം സിനിമയെ കുറിച്ചുള്ള അഭിപ്രായം കുറിച്ചിരിക്കുകയാണ് സംവിധായകന് സത്യന് അന്തിക്കാട്. മലയാളസിനിമ തകര്ന്ന് തരിപ്പണമാകുമോ എന്ന് സംശയിച്ചിരിക്കുമ്പോഴാണ് കിഷ്കിന്ധാ കാണ്ഡം കണ്ടതെന്നും ആഹ്ളാദത്തേക്കാളേറെ ആശ്വാസമാണ് തോന്നിയതെന്നും സത്യന് അന്തിക്കാട് ഫേസ്ബുക്കില് കുറിച്ചു.
സൂക്ഷ്മമായ അഭിനയത്തിലൂടെയും ശബ്ദ നിയന്ത്രണത്തിലൂടെയും ആസിഫ് അലി അതിശയിപ്പിച്ചു എന്നും. അഭിനയ സാദ്ധ്യതയുള്ള വേഷം കിട്ടിയാല് വിജയരാഘവന് മിന്നിത്തിളങ്ങുമെന്ന് വീണ്ടും ഓര്മ്മിപ്പിക്കുന്നു എന്നും സത്യന് അന്തിക്കാട് അഭിപ്രായപ്പെട്ടു. കൂടാതെ അപര്ണ ബാലമുരളി പക്വതയോടെയാണ് കഥാപാത്രത്തെ അവതരിപ്പിച്ചതെന്നും അദ്ദേഹം കൂട്ടിച്ചേര്ത്തു. എല്ലാ പ്രതിസന്ധികളേയും മറി കടക്കാന് നമുക്ക് നല്ല സിനിമകളുണ്ടായാല് മാത്രം മതി. കിഷ്കിന്ധാ കാണ്ഡം തീര്ച്ചയായും ഒരു മറുപടിയാണെന്നും അദ്ദേഹം പറഞ്ഞു.
ഗുഡ് വില് എന്റര്ടെയ്ന്മെന്റിന്റെ ബാനറില് ജോബി ജോര്ജ് നിര്മിച്ച കിഷ്കിന്ധാകാണ്ഡം എന്ന ചിത്രത്തില് ആസിഫ് അലി. അപര്ണ ബാലമുരളി, വിജയരാഘവന്, ജഗദീഷ്, നിഴല്കള് രവി, മേജര് രവി, വൈഷ്ണവിരാജ്, കൃഷ്ണന് ബാലകൃഷ്ണന് എന്നിവരാണ് പ്രധാന വേഷങ്ങളിലെത്തുന്നത്. രാഹുല് രമേശാണ് തിരക്കഥയും ഛായാഗ്രഹണവും ഒരുക്കുന്നത്. ഇ.എസ് സൂരജ് എഡിറ്റിങ്ങും സജീഷ് താമരശ്ശേരി കലാസംവിധാധവും നിര്വഹിക്കുന്നു.
സത്യന് അന്തിക്കാടിന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം;
മാധ്യമങ്ങളില് പ്രചരിക്കുന്ന വാര്ത്തകള് കണ്ട് മലയാളസിനിമ തകര്ന്ന് തരിപ്പണമാകുമോ എന്ന് സംശയിച്ചിരിക്കുമ്പോഴാണ് ‘കിഷ്കിന്ധാ കാണ്ഡം’ കണ്ടത്. ആഹ്ളാദത്തേക്കാളേറെ ആശ്വാസമാണ് തോന്നിയത്. വിജയഫോര്മുലയെന്നു പറയപ്പെടുന്ന ഒന്നിനേയും ആശ്രയിക്കാതെ ഒരു വിജയചിത്രം ഒരുക്കാമെന്ന് സംവിധായകന് ദിന്ജിത്തും തിരക്കഥാകൃത്തും ക്യാമറാമാനമായ ബാഹുല് രമേഷും തെളിയിച്ചിരിക്കുന്നു.
വനമേഖലയോടു ചേര്ന്ന ആ വീടും പരിസരവും സിനിമ കണ്ടിറങ്ങിയാലും മനസ്സില് നിന്നു മായില്ല. സൂക്ഷ്മമായ അഭിനയത്തിലൂടെയും ശബ്ദ നിയന്ത്രണത്തിലൂടെയും ആസിഫ് അലി അതിശയിപ്പിച്ചു എന്നു വേണം പറയാന്. അഭിനയ സാദ്ധ്യതയുള്ള വേഷം കിട്ടിയാല് വിജയരാഘവന് മിന്നിത്തിളങ്ങുമെന്ന് വീണ്ടും ഓര്മ്മിപ്പിക്കുന്നു. അപര്ണാ ബാലമുരളിയും എത്ര പക്വതയോടെയാണ് ആ കഥാപാത്രത്തെ അവതരിപ്പിച്ചത് ! സംഗീതമൊരുക്കിയ മുജീബിനും പുതിയ തലമുറയില് വിശ്വാസമര്പ്പിച്ച് ഒപ്പം നിന്ന ഗുഡ്വില് എന്റര്ടൈന്മെന്റ്സിന്റെ ജോബി ജോര്ജ്ജിനും സ്നേഹവും അഭിനന്ദനങ്ങളും. എല്ലാ പ്രതിസന്ധികളേയും മറി കടക്കാന് നമുക്ക് നല്ല സിനിമകളുണ്ടായാല് മാത്രം മതി. ‘കിഷ്കിന്ധാ കാണ്ഡം’ തീര്ച്ചയായും ഒരു മറുപടിയാണ്.
STORY HIGHLIGHTS: Sathyan Anthikad facebook post
