അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാളി പ്രേക്ഷകരുടെ പ്രിയതാരമാണ് സ്വാസിക. സിനിമ സീരിയല് അഭിനയത്തിലൂടെയും സ്റ്റേജ് ഷോ അവതരണത്തിലൂടെയും മലയാളി പ്രേക്ഷകര്ക്കിടയില് തന്റേതായ വ്യക്തിമുദ്ര പതിപ്പിച്ച നടിയാണ് സ്വാസിക. തെലുങ്ക്, തമിഴ് സീരിയല് താരം പ്രേം ജേക്കബ്ബിനെയാണ് സ്വാസിക വിവാഹം ചെയ്തത്. ഇപ്പോള് ഇതാ വിവാഹത്തിന് ശേഷമുളള ഇരുവരുടെയും ജീവിതത്തിലെ രസകരമായ അനുഭവങ്ങള് പങ്കുവെയ്ക്കുകയാണ് താരജോടികള്.
‘സ്വാസിക എന്റെ കാല് തൊട്ടു തൊഴാറുണ്ട്. പക്ഷേ ഞാനും തിരിച്ചു ചെയ്യും. എനിക്കിഷ്ടമല്ല അതൊന്നും. അപ്പോള് ഞാന് പറയും നീ ചെയ്യുന്നതു കൊള്ളാം ഞാനും തിരിച്ചു ചെയ്യും എന്ന്. എന്നിട്ട് ഞാന് നോക്കിയിരിക്കും. ഞാന് ചുമ്മാ ഇരിക്കുമ്പോള് ഇവള് ഓടി വന്ന് കാലില് തൊട്ടിട്ട് അങ്ങ് പോകും. നീ എങ്ങോട്ട് പോകുന്നു എന്ന് പറഞ്ഞ് ഞാനും പുറകെ പോയിട്ട് ഞാനും അവളുടെ കാല് തൊടും. പുതിയ ഷൂട്ടിനു പോകുമ്പോള് അല്ലെങ്കില് ഏതെങ്കിലും ഒരു ആഡ് ഷൂട്ടിന് പോകുമ്പോള്, സിനിമ ഇറങ്ങുമ്പോള് അങ്ങനെയുള്ള ദിവസങ്ങളില് ആയിരിക്കുമ്പോള് അവള് കൂടുതലും ചെയ്യുന്നത്. അപ്പോള് ഇങ്ങനെ ഓടി വന്ന് കാലില് തൊടും. അപ്പോള് ഞാന് പറയും നടക്കത്തില്ല ഞാനും ചെയ്യുമെന്ന്.’ പ്രേം പറഞ്ഞു.
‘അങ്ങനെയുള്ള പ്രത്യേകത ദിവസങ്ങളിലെ പ്രേം ഇതൊക്കെ അറിയുന്നുള്ളൂ. അല്ലാത്ത ദിവസങ്ങളിലും ഞാന് രാവിലെ എഴുന്നേറ്റ് കാലില് തൊട്ടു തൊഴാറുണ്ട്. കൂടുതലും ഉറങ്ങിക്കിടക്കുന്ന സമയം ആയിരിക്കും. ഉണര്ന്നിരിക്കുമ്പോള് ഇങ്ങനെ തൊട്ടു തൊഴുമ്പോള് ആണ് ആള് ഓടിവന്ന് എന്റെ കാലിലും തൊടുന്നത്. അത് എന്റെ ഒരു ഇഷ്ടമാണ്. അതെന്റെ ഒരു വിശ്വാസമാണ്. അത് ഞാന് ആരും അറിയാതെ ചെയ്യുന്നു. നേരത്തെ ഞാന് ഇത് പറയുമ്പോള് എന്നോട് പറയുമായിരുന്നു അങ്ങനെ ചെയ്താല് ഞാനും തിരിച്ചു ചെയ്യുമെന്ന്, അപ്പോള് ഞാന് കരുതി അതൊക്കെ ഓര്ത്തിരിക്കുമോ എന്ന്. പക്ഷേ ഇപ്പോള് അങ്ങനെ ചെയ്യുന്നുണ്ട്.’ സ്വാസിക മറുപടി നല്കി.
സീത എന്ന സീരിയലിലൂടെയാണ് സ്വാസിക സീരിയല് രംഗത്തേക്ക് എത്തുന്നത്. അടുത്തകാലത്താണ് താരം വിവാഹിതയായത്. ജാതിയും മതവും ഒന്നും നോക്കാതെ തനിക്ക് പ്രിയപ്പെട്ട ഒരാളെ തന്നെയാണ് താരം തന്റെ വരനായി തിരഞ്ഞെടുത്തത്. കഴിഞ്ഞ ജനുവരിയില് ആയിരുന്നു ഇരുവരുടെയും വിവാഹം. ഒരു ബീച്ച് വെഡിങ് ആണ് നടന്നത്. മലയാളം സീരിയല് മേഖലയിലാണ് സ്വാസിക ശ്രദ്ധ കേന്ദ്രീകരിച്ചിരിക്കുന്നത് എങ്കില് തെലുങ്ക്, തമിഴ് സീരിയല് മേഖലയിലെ സജീവ സാന്നിധ്യമാണ് ഭര്ത്താവ് പ്രേം.
STORY HIGHLIGHTS: Prem Jacob about Swasika Vijay
