അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മോഹന്ലാല്, മമ്മൂട്ടി ആ രണ്ട് പേരുകള് കഴിഞ്ഞിട്ടേ മലയാളികള്ക്ക് മലയാള സിനിമയുള്ളൂ. മോഹന്ലാലിനും മമ്മൂട്ടിയ്ക്കും മുന്പും ശേഷവും പലരും വന്നു. അവര്ക്കൊപ്പം വന്നവരും ഉണ്ട്. എന്നാല് ഒരു ഇന്റസ്ട്രിയെ താങ്ങി നിര്ത്തുന്ന രണ്ട് നെടുംതൂണുകളായി തങ്ങള് മാറുമെന്ന് അവര് പോലും ഒരിക്കലും ചിന്തിച്ചിരുന്നില്ല. മോഹന്ലാലും മമ്മൂട്ടിയും ഇല്ലാത്ത മലയാള സിനിമ ചിന്തിക്കാന് പോലും പ്രയാസമാണ് എന്ന് നടി ജീജ സുരേന്ദ്രന് പറയുന്നു
ഇനി മമ്മൂട്ടിയുടെയും മോഹന്ലാലിന്റെയും കാലം കഴിഞ്ഞാല് മലയാള സിനിമയുടെ ഭാവി എന്താവും, ചേച്ചിയുടെ ധാരണ എന്താണ് എന്ന ചോദ്യത്തോട് പ്രതികരിക്കുകയായിരുന്നു നടി. ആ കാലത്ത് ഞാനുണ്ടാവില്ല, അതുകൊണ്ട് എനിക്കതിനെ പറ്റി ചിന്തിക്കേണ്ട കാര്യവുമില്ല എന്ന് പറഞ്ഞുകൊണ്ടാണ് ജീജ സുരേന്ദ്രന് അതിനോട് പ്രതികരിച്ചത്.
ഞാനും ഇത്രയും വയസ്സ് കഴിഞ്ഞ ആളല്ലേ. അതുകൊണ്ട് മോഹന്ലാലും മമ്മൂട്ടിയും കഴിഞ്ഞാല് ആര് ഭരിക്കും, എങ്ങനെ പോകും എന്നൊന്നും എനിക്ക് ചിന്തിക്കേണ്ട കാര്യമേയില്ല. ഞാന് എന്നുവരെയുണ്ടോ അന്ന് വരെ മമ്മൂട്ടിയും മോഹന്ലാലും തീര്ച്ചയായിട്ടും ഉണ്ടാവും. അവരുടെ കൂടെ അമ്മയും ഉണ്ടാവും, അവിടെയും ഞാന് ഉണ്ടാവും, അവിടെ ഞാന് സേഫ് ആണ്.
എന്റെ കാലം കഴിഞ്ഞേ അവര് മരിക്കാവൂ എന്നാണ് എന്റെ പ്രാര്ത്ഥന. എനിക്കതൊന്നും കാണേണ്ട, മമ്മൂട്ടി മരിച്ചു, മോഹന്ലാല് മരിച്ചു എന്നൊന്നും എനിക്ക് കാണേണ്ട. അതുവരെ ഞാന് സേഫാ. എന്ത് കാര്യത്തിനും അവരൊപ്പം നില്ക്കും എന്ന വിശ്വാസമുണ്ട്. അതിനപ്പുരം ഞാന് ചിന്തിക്കുന്നതേയില്ല എന്നായിരുന്നു ജീജ സുരേന്ദ്രന്റെ മറുപടി.
സിനിമയുമായി യാതൊരു ബന്ധവുമില്ലാത്ത, സിനിമയോട് അടങ്ങാത്ത ആഗ്രഹമുള്ളവര് മാത്രമായിരുന്നു മമ്മൂട്ടിയും മോഹന്ലാലും. പെട്ടന്ന് വന്നങ്ങ് നായകന്മാരായതല്ല, സൈഡ് റോളുകളിലൂടെ തുടങ്ങി, പരാജയങ്ങള് നേരിട്ട്, അതില് നിന്ന് പഠിച്ച് പടുത്തുയര്ത്തിയതാണ് ഇന്ന് കാണുന്ന നിലയും വിലയും. അഭിനയത്തിന്റെ കാര്യത്തില് ആണെങ്കിലും വ്യക്തിത്വത്തിന്റെ കാര്യത്തിലാണെങ്കിലും മമ്മൂട്ടിയ്ക്കും മോഹന്ലാലിനും പകരം വയ്ക്കാന് മറ്റൊരു താരോദയം ഇന്ന് മലയാള സിനിമയില് ഉണ്ടായിട്ടില്ല. 70 കഴിഞ്ഞ മമ്മൂട്ടിയും 60 കഴിഞ്ഞ മോഹന്ലാലും ഇന്നും നായക നിരയില് സജീവമാണ്, അവരില്ലാത്ത ഒരു കാലത്തെ കുറിച്ച് പ്രേക്ഷകരും ചിന്തിക്കുന്നതേയില്ല എന്നതാണ് വാസ്തവം.
content highlight: Actress Jeeja
