അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രാജ്യ സ്‌നേഹത്താല്‍ അഭിമാനിക്കേണ്ടതും, രാജ്യത്തിനൊപ്പം നില്‍ക്കേണ്ടതുമായ സമയമാണ് ഈ കടന്നു പോകുന്ന ഓരോ മണിക്കൂറുകളും. ശത്രുവിന്റെ പതനമാണ് ആഗ്രഹിക്കണ്ടത്. നിരപരാധികളെ കൊന്നു തള്ളുന്ന ഭീകരവാദത്തിനും ഭീകരവാദികള്‍ക്കും ചുട്ട മരുപടിയാണ് നല്‍കേണ്ടത്. അത് നമ്മുടെ രാജ്യം കൃത്യതയോടെ നല്‍കുന്നുണ്ട്. രാജ്യത്തിന്റെ ഓരോ നീക്കത്തിനൊപ്പവും മനസ്സും ശരീരവും നല്‍കി 140കോടി ജനങ്ങളും നില്‍ക്കുന്നതാണ് രാജ്യത്തിന്റെ തകര്‍ക്കാനാവാത്ത കരുത്ത്. നോക്കൂ, ബാഹാറില്‍ നിന്ന് രാജ്യ സ്‌നേഹത്തിന്റെ ഉത്തമ മാതൃകയായി ഒരു കഥ കേള്‍ക്കുന്നുണ്ട്.
സ്വന്തം കുഞ്ഞിന് രാജ്യ സ്‌നേഹത്തിന്റെ ഉദാത്ത മാതൃകയായി പേരിട്ട മാതാപിതാക്കളുടെ കഥ. ആ മാതാപിതാക്കള്‍ക്ക് ബിഗ് സല്യൂട്ട്. പഹല്‍ഗാമില്‍ 26 പേരുടെ മരണത്തിനിടയാക്കിയ പാകിസ്ഥാന്റെ ഭീകരാക്രമണങ്ങള്‍ക്കെതിരെ ഇന്ത്യയുടെ ‘ഓപ്പറേഷന്‍ സിന്ദൂര്‍’ എന്ന് പേരിട്ട സൈനിക നീക്കം വലിയ തിരിച്ചടിയാണ് പാക് ഭീകരകേന്ദ്രങ്ങള്‍ക്കെതിരെ നടത്തിയത്. ആ ഓപ്പറേഷന്‍ നടത്തിയ അന്നുരാത്രി പിറന്ന കുഞ്ഞിന് ‘സിന്ദൂര്‍’ എന്ന് പേരിട്ട് ബിഹാറില്‍ നിന്നുള്ള ദമ്പതികള്‍. ബിഹാറിലെ കുന്ദന്‍ കുമാന്‍ മണ്ഡല്‍ ആണ് തന്റെ കുഞ്ഞിന് രാജ്യത്തിന്റെ അഭിമാനം കാത്തു സൂക്ഷിച്ച ഓപ്പറേഷന്റെ പേരിട്ടത്.
കുഞ്ഞിന് എന്ത് പേരിടണമെന്നതില്‍ തനിക്ക് ആശങ്കകള്‍ ഒന്നു മില്ലായിരുന്നു എന്നാണ് ആ പിതാവ് പറഞ്ഞത്. ഇന്ത്യന്‍ സൈന്യത്തിന്റെ നടപടിയില്‍ തനിക്ക് അഭിമാനമുണ്ടെന്നും അവരോടുള്ള ആദരസൂചകരമായാണ് മകള്‍ക്ക് സിന്ദൂര്‍ എന്ന പേരിടുന്നതെന്നും കുന്ദന്‍ പറഞ്ഞു. കുന്ദന്റെ തീരുമാനത്തെ വീട്ടുകാരും ആശുപത്രി ജീവനക്കാരുമുള്‍പ്പെടെ എല്ലാവരും അഭിനന്ദിച്ചു കൊണ്ടാണ് സ്വീകരിച്ചത്. കുഞ്ഞിന് തന്റെ പേരിന്റെ അര്‍ഥം മനസ്സിലാക്കാന്‍ ഇപ്പോള്‍ പറ്റിയില്ലെങ്കിലും വളര്‍ന്നുവരുമ്പോള്‍ രാജ്യത്തെ കുറിച്ചോര്‍ത്ത് അഭിമാനിക്കുമെന്ന് രക്ഷിതാക്കള്‍ പറയുന്നു.
എന്നാല്‍, ബിഹാറിലെ സിന്ദൂര്‍ കഥ അവിടെയും തീരുന്നില്ല. ബിഹാറില്‍ അതേ ദിവസം പിറന്ന 12 കുഞ്ഞുങ്ങള്‍ക്കും ‘സിന്ദൂര്‍’ എന്ന് പേരിട്ടാണ് കഥയെ വീരകഥയാക്കിയിരിക്കുന്നത്. ബിഹാറിലെ കൈതാര്‍ ജില്ലയില്‍ ജനിച്ച പെണ്‍കുട്ടിക്ക് ‘സിന്ദൂരി’ എന്നും പേരിട്ടു. കൈതാറിലെ രാഖി കുമാരി-സന്തോഷ് മണ്ഡല്‍ ദമ്പതികളും കുഞ്ഞിനാണ് സിന്ദൂരി എന്ന് പേരിട്ടത്. സിന്ദൂരി എന്ന പേര് ദേശസ്‌നേഹത്തെയും ഐക്യത്തെയും പ്രതിനിധീകരിക്കുന്നതായും ഇത് രാഷ്ട്രത്തോടുള്ള തങ്ങളുടെ ആദരമാണെന്നും സന്തോഷ് പറഞ്ഞു. പഠനം പൂര്‍ത്തിയാക്കിയ ശേഷം വ്യോമസേനയില്‍ ചേരാന്‍ സിന്ദൂരിയെ പ്രോത്സാഹിപ്പിക്കാനാണ് മാതാപിതാക്കളുടെ ആഗ്രഹം.
മുസാഫര്‍പുരിലെ സ്വകാര്യ ആശുപത്രിയില്‍ ജനിച്ച സീതാമര്‍ഹിയിലെ ബെല്‍സാന്ദ് സ്വദേശി വന്ദന ദേവിയുടെ കൊച്ചുമകന് സിന്ദൂര്‍ എന്നാണ് പേരിട്ടത്. കുഞ്ഞിനെ വലുതാകുമ്പോള്‍ സൈന്യത്തില്‍ ചേര്‍ക്കണമെന്നാണ് വന്ദന ദേവിയുടെ ആഗ്രഹം. ഈസ്റ്റ് ചമ്പാരനിലെ ഫെന്‍ഹാറിലുള്ള അനികേത് കുമാറും തന്റെ മകന് മറ്റൊരു പേര് അന്വേഷിച്ച് പോകേണ്ടി വന്നില്ല. ബിഹാറില്‍ മാത്രമായിരിക്കില്ല. വരാനിക്കുന്നതേയുള്ളൂ മറ്റു സംസ്ഥാനങ്ങളില്‍ ‘ഓപ്പറേഷന്‍ സിന്ദൂര്‍’ നടപ്പോള്‍ ഉണ്ടായ പിറവികളും അതിന്റെ പേരുകളും. അന്നേ ദിവസം ഇന്ത്യിലാകെ സിന്ദൂര്‍ എന്നു പേരിട്ട കുഞ്ഞുങ്ങള്‍ എത്രയെന്ന് കണക്കെടുത്താല്‍പ്പോലും മനസ്സിലാകും രാജ്യ സ്‌നേഹത്തിന്റെ ആഴവും പരപ്പും.
CONTENT HIGH LIGHTS; Born during “Operation Sindoor”?: Is her name “Sindoor”?; Parents say ‘she will understand the meaning of the name when she grows up’; All 12 babies born in Bihar that day are named “Sindoor”; Big salute to patriotism
