ഈയൊരു മാങ്ങാക്കാലത്ത് ഈയൊരു ചമ്മന്തി ഉണ്ടാക്കിയില്ലേൽ നഷ്ടമാവും

ചേരുവകൾ :

പച്ച മാങ്ങ – 1
തേങ്ങ ചിരകിയത് – ഒന്നിന്റെ പകുതി
കടുക് – 1/2 ടീസ്പൂൺ
ഉലുവ – 1/2 ടീസ്പൂൺ
ഉണക്കമുളക് – 6-
വെളിച്ചെണ്ണ 2 ടീസ്പൂൺ
കടുക് – 1/4 ടീസ്പൂൺ
ഇഞ്ചി ചെറിയ കഷണം
വെളുത്തുള്ളി – 5-6 എണ്ണം
കറിവേപ്പില
മുളകുപൊടി – 1 ടീസ്പൂൺ
മഞ്ഞൾപൊടി – 1/4 ടീസ്പൂൺ
ഉപ്പ്
ശർക്കരപ്പൊടി – 2 ടീസ്പൂൺ
കയം പൊടി – 2 നുള്ള്

ഉണ്ടാക്കുന്ന വിധം :

1. ഒരു പച്ചമാങ്ങ ചെറിയ കഷ്ണങ്ങളാക്കി അതിൽ അരമുറി തേങ്ങാ ചിരകിയതും ചേർത്ത് ചതച്ചെടുക്കുക
2. ⁠ഒരു പാനിൽ കടുകും ഉലുവയും വറ്റൽമുളകും ചൂടാക്കിയെടുക്കുക ,ചൂടറിയതിന് ശേഷം മിക്സിയുടെ ചെറിയ ജാറിൽ ഇട്ട് പൊടിച്ചെടുക്കുക
3. ⁠ഒരു പാനിൽ വെളിച്ചെണ്ണ ഒഴിച്ചു കടുക് ,ഇഞ്ചി വെളുത്തുള്ളി കറിവേപ്പില ചേർത്തതിന് ശേഷം തേങ്ങാ മാങ്ങ മിക്സ് ചേർത്ത് നന്നായി മിക്സ് ചെയ്തെടുക്കുക
4. ⁠നന്നായി തേങ്ങയിലെ വെള്ളം വലിഞ്ഞശേഷം മുളക് പൊടി ,മഞ്ഞൾപൊടി ,ഉപ്പ് ,ശർക്കരപ്പൊടി ,കായം എന്നിവ ചേർത്ത് മിക്സ് ചെയ്യുക
5. ⁠അവസാനമായി ആദ്യം പൊടിച്ചെടുത്ത മുളക് കടുക് ഉലുവ മിക്സ് ചേർത്ത് മിക്സ് ചെയ്തെടുത്താൽ കിടിലൻ ചമ്മന്തി റെഡി ,ഇത് ഫ്രിഡ്ജിൽ വെച്ചു ഒരാഴ്ച്ച വരെ ഉപയോഗിക്കാം