അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡെറാഡൂൺ: ഹൽദ്വാനി സംഘർഷത്തിനായി എൻ.ജി.ഒ പണം ശേഖരിച്ചുവെന്ന ആരോപണവുമായി ഉത്തരാഖണ്ഡ് പൊലീസ്. ഹൽദ്വാനിയിലെ ബാൻഭൂൽപുരയിലുണ്ടായ സംഘർഷത്തിലാണ് എൻ.ജി.ഒക്ക് പങ്കുണ്ടെന്ന ആരോപണം പൊലീസ് ഉയർത്തിയിരിക്കുന്നത്.
സംഘർഷമുണ്ടായ മേഖലയിൽ ഒരാൾ പണം വിതരണം ചെയ്യുന്നതിന്റെ വിഡിയോ ദൃശ്യങ്ങൾ ലഭിച്ചിട്ടുണ്ടെന്നാണ് പൊലീസ് അവകാശവാദം. ഇതിന് പിന്നിൽ ഒരു എൻ.ജി.ഒയാണെന്നാണ് പൊലീസ് പറയുന്നത്. ഇവരുടെ രജിസ്ട്രേഷൻ നമ്പർ, പാൻ നമ്പർ, അക്കൗണ്ട് നമ്പർ എന്നിവ ആദായ നികുതി വകുപ്പ് അടക്കമുള്ള ഏജൻസികൾക്ക് കൈമാറിയിട്ടുണ്ടെന്നും പൊലീസ് അറിയിച്ചു.
Uttarakhand: Nainital Police issues notice identifying the role of an NGO in funding the Banbhoolpura violence in Haldwani; urges people to not donate to the NGO. pic.twitter.com/TT3R8mvvNA
— ANI UP/Uttarakhand (@ANINewsUP) February 23, 2024
ഹൈദരാബാദ് യൂത്ത് കറേജ് എന്ന എൻ.ജി.ഒക്ക് പണം നൽകിയവരെ തിരിച്ചറിഞ്ഞിട്ടുണ്ട്. എൻ.ജി.ഒക്ക് ഇനിയാരും പണം നൽകരുതെന്നും പൊലീസ് വ്യക്തമാക്കി. അനധികൃതമായി പണം സ്വീകരിക്കുന്നവർക്കെതിരെയും നടപടിയുണ്ടാകുമെന്ന് പൊലീസ് അറിയിച്ചു.
Read more :
- അമിത്ഷാക്കെതിരായ അപകീര്ത്തി പരാമർശം : രാഹുല് ഗാന്ധിയുടെ ഹര്ജി തള്ളി ജാര്ഖണ്ഡ് ഹൈക്കോടതി
- ലോക്സഭ തെരഞ്ഞെടുപ്പ് പ്രചാരണത്തിനായി പ്ലാസ്റ്റിക് രഹിത മാർഗ്ഗനിര്ദേശങ്ങള് പുറത്തിറക്കി ശുചിത്വ മിഷന്
- നവാൽനിയുടെ മൃതദേഹം കാണിച്ചു, രഹസ്യ സംസ്കാരം നടത്താൻ അധികൃതർ സമ്മര്ദം ചെലുത്തുന്നതായി നവാല്നിയുടെ മാതാവ് ല്യൂഡ്മില
- അവ്ദിവ്കയിൽ റഷ്യൻ സൈന്യത്തിനുണ്ടായ വൻ നഷ്ട്ടങ്ങൾ റിപ്പോർട്ട് ചെയ്തു : ദിവസങ്ങൾക്കുള്ളിൽ റഷ്യൻ യുദ്ധ ബ്ലോഗർ ജീവനൊടുക്കി
ഫെബ്രുവരി എട്ടിന് നടന്ന സംഘർഷവുമായി ബന്ധപ്പെട്ട് ഇതുവരെ 74 പേർ അറസ്റ്റിലായിട്ടുണ്ട്. ബുധനാഴ്ച ആറ് പേരെയും പിടികൂടി. ഹൽദ്വാനിയിൽ നടന്ന സംഘർഷങ്ങളിൽ നാല് പേർ കൊല്ലപ്പെടുകയും 250ഓളം പേർക്ക് പരിക്കേൽക്കുകയും ചെയ്തിരുന്നു. തുടർന്ന് പൊലീസ് പ്രദേശത്ത് കർഫ്യൂ പ്രഖ്യാപിക്കുകയും ഷൂട്ട് അറ്റ് സൈറ്റ് ഉത്തരവ് പുറപ്പെടുവിക്കുകയും ചെയ്തിരുന്നു.
