അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കുട്ടികൾക്കും മുതിർന്നവർക്കും ഒരുപോലെ ഇഷ്ട്ടമാകുന്ന ഈ ഫ്രൂട്ട് സാലഡ്. വളരെ രുചികരമായി എളുപ്പത്തിൽ തന്നെ തയ്യാറാക്കിയെടുക്കാം. എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- ആപ്പിള്‍ – 1
- റോബസ്റ്റ പഴം – 1
- മാങ്ങ -1
- ഏത്തപ്പഴം – 1
- മുന്തിരി (ബ്ലാക്ക്, ഗ്രീൻ ) – 20
- അനാർ – 1
- കിവി -2
- പിയർ -1
- ഈന്തപ്പഴം – 5
- ബദാം, അണ്ടിപ്പരിപ്പ്, മുന്തിരി, പിസ്ത ഇവ നുറുക്കിയത് 50 ഗ്രാം
- ഐസ്ക്രീം -മംഗോ വാനില
ക്രീം ഉണ്ടാക്കാന്‍ ആവശ്യമായ സാധനങ്ങള്‍
- പാല്‍ – ഒരു ലിറ്റര്‍
- കസ്റ്റാര്‍ഡ് പൌഡര്‍ – 1 ടിൻ
- പഞ്ചസാര – ആവശ്യത്തിന്
തയാറാക്കുന്ന വിധം
ഫ്രൂട്ട്സ് എല്ലാം ചെറിയ കഷ്ണങ്ങളാക്കി നുറുക്കി അതിലേക്ക് നാരങ്ങ നീര് ഒഴിക്കുക. നന്നായി ഇളക്കിയ ശേഷം തണുക്കാനായി ഫ്രിഡ്ജില്‍ വയ്ക്കുക. പാലും പഞ്ചസാരയും കസ്റ്റാര്‍ഡ് പൗഡറും ചേര്‍ത്ത് നന്നായി ഇളക്കി ചുവടു കട്ടിയുള്ള ഒരു പാത്രത്തില്‍ ഒഴിച്ച് അടുപ്പില്‍ വെച്ച് കുറുകിവരുന്നതുവരെ തിളപ്പിക്കുക. കുറുകിവരുമ്പോള്‍ വാങ്ങി വച്ചശേഷം ചൂടാറുമ്പോള്‍ ഫ്രിഡ്ജില്‍ വെച്ച് തണുപ്പിക്കുക. ക്രീമിലേക്ക് ഫ്രൂട്ട്സ് മിക്സും ഐസ്ക്രീമും നട്സും ഇട്ടു കുറച്ച് ചെറീസും, റ്റൂട്ടി ഫ്രൂട്ടീസും മുകളിൽ വിതറി സെർവ് ചെയ്യാം.
