അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.‘അരങ്ങിടത്തിന് എല്ലാവരും അവകാശികളാണ് ‘ എന്ന മുദ്രാവാക്യം ഉയര്ത്തി പിടിച്ചുകൊണ്ട് Amha Karyattukara യിലെ ബൗദ്ധിക വെല്ലുവിളി നേരിടുന്ന കൂട്ടുകാര്ക്ക് കഴിഞ്ഞ 20 വര്ഷമായി രംഗചേതന നടത്തിവരുന്ന തിയേറ്റര് തെറാപ്പിയുടെ ഭാഗമായി രൂപപ്പെടുത്തിയ 10-ാമത് നാടകമാണ് അപ്പാ…അമ്മ. അംഹയിലെ അംഗങ്ങളായ 15 പേരാണ് കഥാപാത്രങ്ങളായി അരങ്ങിലെത്തുന്നത്. തെരുവില് നിന്നും കണ്ടെടുത്ത് പോലീസ് അംഹയില് എത്തിച്ച ഒരു അനാഥനായ കുട്ടിയുടെ മാതാപിതാക്കളെ കണ്ടെത്തുവാനുള്ള ശ്രമത്തിന്റെ ഭാഗമായാണ് ഈ നാടകം അവതരിപ്പിക്കുന്നത്. തെരുവില് നിന്ന് പോലിസ് കണ്ടെത്തി അംഹയില് ഒരു കുട്ടിയെ എത്തിക്കുന്നത് ആദ്യാനുഭവമല്ല. സ്വന്തം പേരു പോലും പറയാന് ശേഷിയില്ലാത്ത മനു എന്ന പേരില് ഇപ്പോള് അറിയപ്പെടുന്ന കുട്ടി എപ്പോഴും തന്റെ മുന്നില് എത്തിപ്പെടുന്നവരോടെല്ലാം ചോദ്യക്കുന്ന ഒരു ചോദ്യമുണ്ട് അപ്പാ… അമ്മ…..?.
മനുവിന്റെ ആ ചോദ്യമാണ് നാടകത്തിലൂടെ തുടരുന്നത് മനുവിന്റെ അച്ഛനെയും അമ്മയേയും കണ്ടെത്താനുള്ള ഒരു നാടകയാത്ര രംഗചേതനയും അംഹയും ചേര്ന്ന് തുടങ്ങിയിരിക്കുകയാണ്. ഈ യാത്ര മുന്നോട്ട് പോകുന്നതിന് എല്ലാവരുടെയും സഹായ സഹകരണങ്ങള് പ്രതീക്ഷിക്കുന്നു. നാളെ രാവിലെ 9 മണിക്ക് ടാഗോര് തിയേറ്റില് നിങ്ങളും ഉണ്ടാകണം. ഭിന്നശേഷിക്കാരുടെ സര്ഗോത്സവമായ സവിശേഷ നടക്കുകയാണ്. അതിന്റെ ഭാഗമായാണ് നാടകം അരങ്ങിലെത്തുന്നത്. അംഹയിലെ കൂട്ടുകാര്ക്കൊപ്പം അതിഥിയായി പ്രശസ്ത സിനിമ-നാടക നടന് സുനില് സുഖദയും അരങ്ങില് എത്തുന്നു.
നാടകത്തിന്റെ രചനയും സംവിധാനവും കെ.വി ഗണേഷ് ആണ്.
സംഗീതം സത്യജിത്ത്. പിന്നരങ്ങില് വിവി വിനി, അബ്ദുള് റസാഖ്, ഫ്രാന്സീസ് ചിറയത്ത് അംഹയിലെ അദ്ധ്യാപക സുഹൃത്തുക്കളായ ലീന, സൂരജ്, ശ്രീജിത്ത് എന്നിവരും അണിനിരക്കുന്നു. രംഗചേതന ഏറെ വര്ഷങ്ങളായി അംഹയിലെ ബൗദ്ധിക വെല്ലുവിളി നേരിടുന്നവര്ക്കിടയില് നടത്തിവരുന്ന തിയേറ്റര് തെറാപ്പിയുടെ ഭാഗമായി ഇതിനകം 10 നാടകങ്ങള് അരങ്ങില് അവതരിപ്പിയ്ക്കുവാന് സാധിച്ചിട്ടുണ്ട്. ഇത് 10-മത് നാടകമാണ് ‘അപ്പാ….അമ്മ ‘. 30 വര്ഷത്തില് അധികമായി തൃശൂര് രംഗചേതന ബൗദ്ധിക വെല്ലുവിളി നേരിടുന്നവര്ക്കിടയില് നാടക പ്രവര്ത്തനം നടത്തി വരുന്നു. ഇതിനകം പ്രേത്യേക പരിഗണന ആവശ്യമുള്ള നിരവധി കുട്ടികള് രംഗചേതനയുടെ അരങ്ങിനെ സമ്പന്നമാക്കിയിട്ടുണ്ട്.
‘അരങ്ങിടത്തിന് എല്ലാവരും അവകാശികളാണ് ‘ എന്ന മുദ്രാവാക്യം അരികുവത്കരിയ്ക്കപ്പെട്ട വിവിധ ജനവിഭാഗങ്ങള്ക്കിടയിലെ പ്രവര്ത്തന പരിചയത്തില് നിന്നും രംഗചേതന കണ്ടെടുത്തതാണ്. ഭിന്നശേഷിക്കാരുടെ സര്ഗോത്സവമായ സവിശേഷയ്ക്ക് നാളെ കൊടിയിറങ്ങും. ഇന്ന് രണ്ടാം ദിനമാണ്. കായിക മത്സരങ്ങള് ചന്ദ്രശേഖരന് നായര് സ്റ്റേഡിയത്തില് അരങ്ങേറുന്നു. ഇന്നലെ ഫിലിംഫെസ്റ്റിവലും നടന്നു. ജോബ് ഫെയറും, ടാലന്റ് ഹണ്ടിലുമെല്ലാം അവര് മത്സര ബുദ്ധിയോടെ പങ്കെടുത്തു.
CONTENT HIGH LIGHTS; The play ‘Appa….Amma’ will begin with the next bell: Tomorrow at 9 pm at Tagore Theatre; Presentation by friends from ‘Amha Karyattukara’; Closing day of the art festival of differently-abled talents
