അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തന്നേയും കുടുംബത്തേയും ശല്യപ്പെടുത്തുന്ന ഇരട്ട സഹോദരന്മാര്ക്കെതിരെ നടിയും ഡബ്ബിങ് ആര്ട്ടിസ്റ്റുമായ രവീണ രവി രംഗത്ത്. ശബരീഷ് എന്ന വ്യക്തിയും അയാളുടെ ഇരട്ട സഹോദരനുമാണ് തന്നെയും കുടുംബത്തെയും സുഹൃത്തുക്കളെയും നിരന്തരം വേട്ടയാടുന്നത്. ഇവരുടെ ഫോട്ടോയും വിവരങ്ങളും താരം പുറത്തുവിട്ടു.
രവീണയുടെ വാക്കുകൾ
കഴിഞ്ഞ മൂന്ന് വർഷമായി ഞങ്ങളെ നിന്തരം ശല്യപ്പെടുത്തുന്ന വേട്ടക്കാരനിൽ നിന്ന് എൻ്റെ കുടുംബത്തെയും സുഹൃത്തുക്കളെയും എന്നെയും സംരക്ഷിക്കുന്നതിന് വേണ്ടിയാണ് ഞാൻ ഈ പോസ്റ്റിടുന്നത്. പൊലീസിൽ നൽകിയ പരാതികളും മുന്നിറിയിപ്പുകളും ഇത് തടയുമെന്നാണ് പ്രതീക്ഷിച്ചിരുന്നത്. അതുകൊണ്ടാണ് ഇത്രയും കാലം മിണ്ടാതിരുന്നത്. എന്നാൽ ശബരീഷ് എന്ന വ്യക്തിയും അയാളുടെ ഇരട്ട സഹോദരനും എന്നെയും എൻ്റെ കുടുംബത്തെയും എൻ്റെ സുഹൃത്തുക്കളെയും ഉപദ്രവിക്കുന്നത് തുടരുകയാണ്.
വെറുപ്പുളവാക്കുന്ന ഭാഷയിലാണ് കമന്റുകളും മെസേജുകളും ഇവർ അയക്കുന്നത്. എന്നെ മാത്രമല്ല, എന്നോട് അടുപ്പമുള്ളവരെയും ഇവർ ലക്ഷ്യമിടുകയാണ്. ഞാൻ കാരണം ഇത് നേരിടേണ്ടി വന്ന എൻ്റെ സുഹൃത്തുക്കളോടും കുടുംബാംഗങ്ങളോടും ക്ഷമ ചോദിക്കുകയാണ്. ഞങ്ങൾ നിയമപരമായി നീങ്ങിയെങ്കിലും, ഇത് അവസാനിച്ചിട്ടില്ല. വ്യത്യസ്ത അക്കൗണ്ടുകളിൽ നിന്നാണ് ഇവരുടെ മോശം മെസേജുകളും കമന്റുകളും വരുന്നത്. എന്നെ മാത്രമല്ല, മറ്റ് നിരവധി വനിതാ അഭിനേതാക്കൾക്കും ഈ ദുരനുഭവം ഉണ്ട്.
