അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആലപ്പുഴ പൂച്ചാക്കലിൽ രണ്ട് കിലോ കഞ്ചാവുമായി യുവാവ് പിടിയിലായി. അരൂക്കുറ്റി മറ്റത്തിൽ നികർത്തിൽ പാട്ടുപറമ്പ് വീട്ടിൽ വിമൽരാജ് വി (24) ആണ് എക്സൈസ് സംഘത്തിന്റെ വലയിലായത്. പ്രദേശത്തെ ലഹരി വിപണനത്തിന്റെ പ്രധാന കണ്ണികളിലൊരാളാണ് ഇയാളെന്ന് ഉദ്യോഗസ്ഥർ സൂചിപ്പിച്ചു.
രഹസ്യവിവരത്തിന്റെ അടിസ്ഥാനത്തിൽ നടന്ന തന്ത്രപരമായ നീക്കമാണ് പ്രതിയെ കുടുക്കാൻ സഹായിച്ചത്. പൂച്ചാക്കൽ, അരൂക്കുറ്റി മേഖലകളിൽ യുവാക്കൾക്കിടയിൽ ലഹരിമരുന്ന് വ്യാപനം കൂടുന്നു എന്ന പരാതിയെത്തുടർന്ന് എക്സൈസ് നിരീക്ഷണം ശക്തമാക്കിയിരുന്നു. ഇതിനിടെയാണ് വിമൽരാജ് കഞ്ചാവ് വിൽക്കുന്നതിനെക്കുറിച്ച് എക്സൈസ് എൻഫോഴ്സ്മെന്റ് ആന്റ് ആന്റി നർകോറ്റിക്സ് സ്പെഷ്യൽ സ്ക്വാഡിന് കൃത്യമായ വിവരം ലഭിക്കുന്നത്.
അരൂക്കുറ്റി ഭാഗത്ത് എക്സൈസ് സംഘം നടത്തിയ മിന്നൽ പരിശോധനയിലാണ് പ്രതി പിടിയിലായത്. ഇയാളുടെ കൈവശം സൂക്ഷിച്ചിരുന്ന രണ്ട് കിലോ കഞ്ചാവും ഉദ്യോഗസ്ഥർ കണ്ടെടുത്തു
