അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കര്ണാടക : ഭാര്യയുടെ ഇന്സ്റ്റഗ്രാം ആസക്തിയില് മനംനൊന്ത് യുവാവ് ജീവനൊടുക്കി. കര്ണാകയയിലെ ചാമരാജനഗര് ജില്ലയിലാണ് സംഭവം. പിജി പാല്യ സ്വദേശിയായ കുമാര് (34) ആണ് ആത്മഹത്യ ചെയ്തത് (Karnataka man committed suicide on wife s Instagram reels addiction).
കുമാറിന്റെ ഭാര്യ ഇന്സ്റ്റഗ്രാം റീലുകള് ചീത്രീകരിക്കുകയും അത് സോഷ്യല് മീഡിയ വഴി പങ്കുവയ്ക്കുകയും ചെയ്യുന്നത് പതിവായിരുന്നു. ഇതേ ചൊല്ലി ദമ്പതിമാര് തമ്മില് പതിവായി വാക്കുതര്ക്കം ഉണ്ടായിരുന്നു. ഇന്സ്റ്റഗ്രാം റീലുകള്ക്ക് അടിമപ്പെട്ട ഭാര്യയെ കുമാര് പലതവണ വിലക്കിയെങ്കിലും യുവതി വീണ്ടും റീലുകള് ചിത്രീകരിക്കുകയും അവ പങ്കുവയ്ക്കുകയും ചെയ്യുന്നത് തുടര്ന്നു.
Read more :
- സന്ദേശ്ഖാലിയിലെ പ്രശ്നങ്ങൾക്കിടെ പ്രധാനമന്ത്രി മോദി മാർച്ച് ആറിന് പശ്ചിമ ബംഗാൾ സന്ദർശിക്കും : ഇരകളായ സ്ത്രീകളെ കണ്ടേക്കും
- മുംബൈ മീരാ റോഡിൽ നടത്താനിരുന്ന ടി രാജ സിംഗിൻ്റെ റാലിക്ക് അനുമതി നിക്ഷേധിച്ച് പോലീസ് : നടപടി വിദ്വേഷ പ്രസംഗങ്ങൾ കണക്കിലെടുത്ത്
- വൈ.എസ്.ആർ.സി.പി സർക്കാരിനെതിരെ നടത്തിയ ചലോ സെക്രട്ടേറിയറ്റ് മാർച്ചിനിടെ വൈഎസ് ശർമിള അറസ്റ്റിൽ
- വ്യാജ ജോലി വാഗ്ദാനത്തില് റഷ്യയിലകപ്പെട്ട് ഇന്ത്യന് യുവാക്കൾ : നാട്ടിലേക്ക് മടങ്ങാൻ കേന്ദ്രത്തിൻ്റെ ഇടപെടൽ തേടുന്നു
- നുഹ് അക്രമത്തിൽ പങ്കുണ്ടെന്ന് ആരോപിച്ച് കോൺഗ്രസ് എം.എൽ.എ മമ്മൻ ഖാനെതിരെ യു.എ.പി.എ ചുമത്തി പോലീസ്
കൂലിയായി ജോലി ചെയ്തുവരികയായിരുന്ന കുമാറിന് ഭാര്യ സോഷ്യല് മീഡിയ കൂടതലായി ഉപയോഗിക്കുന്നതിനോട് താത്പര്യം ഉണ്ടായിരുന്നില്ല. വിഷയത്തെ ചൊല്ലിയുണ്ടായ തര്ക്കത്തിന് പിന്നാലെയാണ് കുമാര് ജീവനൊടുക്കിയത് എന്നാണ് പൊലീസ് പറയുന്നത്. ഹനൂരിലാണ് യുവാവിന്റെ മൃതദേഹം കണ്ടെത്തിയത്. അതേസമയം ആത്മഹത്യ കുറിപ്പൊന്നും കണ്ടെത്താന് പൊലീസിനായില്ല.
