അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇംഫാൽ: മെയ്തികളെ പട്ടികവർഗ പട്ടികയിൽ ഉൾപ്പെടുത്തുന്നത് സംബന്ധിച്ച കഴിഞ്ഞ വർഷത്തെ ഉത്തരവ് തിരുത്തി മണിപ്പൂർ ഹൈകോടതി. മെയ്തികളെ നാലാഴ്ചക്കകം പട്ടികവർഗ ലിസ്റ്റിൽ ഉൾപ്പെടുത്തുന്നത് പരിഗണിക്കണമെന്ന സംസ്ഥാന സർക്കാറിനുള്ള നിർദേശം ഹൈകോടതി ഒഴിവാക്കി. നേരത്തെ കുക്കികളെ ചൊടിപ്പിച്ച നിർദേശമായിരുന്നു ഇത്. ഈ ഉത്തരവ് സംസ്ഥാനത്തെ വംശീയ കലാപം വർധിപ്പിക്കുമെന്ന് ഹൈകോടതി നിരീക്ഷിച്ചു.
ഗോത്രങ്ങളെ പട്ടിക ലിസ്റ്റിൽ ഉൾപ്പെടുത്തുന്നതിനും ഒഴിവാക്കുന്നതിനുമുള്ള നടപടിക്രമങ്ങൾ വ്യക്തമാക്കുന്ന സുപ്രീം കോടതിയുടെ ഭരണഘടനാ ബെഞ്ചിന്റെ മുൻ ഉത്തരവ് ഉദ്ധരിച്ച ഹൈകോടതി, ഉത്തരവാദിത്തം കേന്ദ്ര സർക്കാറിനാണെന്നും കോടതികൾക്ക് അതിൽ പങ്കില്ലെന്നും കോടതി പറഞ്ഞു.
Read more :
- സന്ദേശ്ഖാലിയിലെ പ്രശ്നങ്ങൾക്കിടെ പ്രധാനമന്ത്രി മോദി മാർച്ച് ആറിന് പശ്ചിമ ബംഗാൾ സന്ദർശിക്കും : ഇരകളായ സ്ത്രീകളെ കണ്ടേക്കും
- മുംബൈ മീരാ റോഡിൽ നടത്താനിരുന്ന ടി രാജ സിംഗിൻ്റെ റാലിക്ക് അനുമതി നിക്ഷേധിച്ച് പോലീസ് : നടപടി വിദ്വേഷ പ്രസംഗങ്ങൾ കണക്കിലെടുത്ത്
- വൈ.എസ്.ആർ.സി.പി സർക്കാരിനെതിരെ നടത്തിയ ചലോ സെക്രട്ടേറിയറ്റ് മാർച്ചിനിടെ വൈഎസ് ശർമിള അറസ്റ്റിൽ
- വ്യാജ ജോലി വാഗ്ദാനത്തില് റഷ്യയിലകപ്പെട്ട് ഇന്ത്യന് യുവാക്കൾ : നാട്ടിലേക്ക് മടങ്ങാൻ കേന്ദ്രത്തിൻ്റെ ഇടപെടൽ തേടുന്നു
- നുഹ് അക്രമത്തിൽ പങ്കുണ്ടെന്ന് ആരോപിച്ച് കോൺഗ്രസ് എം.എൽ.എ മമ്മൻ ഖാനെതിരെ യു.എ.പി.എ ചുമത്തി പോലീസ്
കഴിഞ്ഞ വർഷം മാർച്ച് 27നായിരുന്നു മെയ്തികളെ നാലാഴ്ചക്കകം പട്ടികവർഗ ലിസ്റ്റിൽ ഉൾപ്പെടുത്തുന്നത് പരിഗണിക്കണമെന്ന ഉത്തരവ് ഹൈകോടതി പുറപ്പെടുവിച്ചത്. ഇതിനെതിരെ കുക്കികൾ സുപ്രീംകോടതിയെ സമീപിച്ചിരുന്നു. തുടർന്ന് മേയ് മുതൽ മണിപ്പൂരിൽ ആരംഭിച്ച കലാപത്തിൽ ഇതുവരെ 200ലേറെ പേർ കൊല്ലപ്പെട്ടെന്നാണ് കണക്ക്. കലാപത്തീ ഇതുവരെ സംസ്ഥാനത്ത് അണഞ്ഞിട്ടുമില്ല.
