പ്രളയത്തില്‍ കുടുങ്ങിയവരെ രക്ഷിക്കാനെത്തിയ മന്ത്രി വെള്ളക്കെട്ടില്‍ കുടുങ്ങി; ഒടുവില്‍ എയര്‍ലിഫ്റ്റ്

ഭോപാല്‍: മധ്യപ്രദേശില്‍ പ്രളയ പ്രദേശത്ത്​ ഒറ്റപ്പെട്ടുപോയ ആളുകളെ രക്ഷിക്കാന്‍ പോയ മന്ത്രി വെള്ളക്കെട്ടില്‍ കുടുങ്ങി. ​പ്രളയത്തില്‍ കുടുങ്ങിയ മന്ത്രിയെ പിന്നീട്​ ഹെലികോപ്​ടര്‍ ഉപയോഗിച്ച്‌​ രക്ഷപ്പെടുത്തുകയായിരുന്നു. സംസ്​ഥാന ആഭ്യന്തര മന്ത്രിയായ നരോത്തം മിശ്രയെയാണ്​ ഹെലികോപ്​ടറില്‍ രക്ഷപ്പെടുത്തിയത്​. 

ബോട്ടില്‍ ദുരിതമേഖലയില്‍ സന്ദര്‍ശനം നടത്തുന്നതിനിടെയാണ് ഒരു വീടിന്റെ ടെറസില്‍ കുടുങ്ങിയ ഒമ്പത് കുടുംബാംഗങ്ങളെ ശ്രദ്ധയില്‍പെട്ടത്. തുടര്‍ന്ന് ഒഴുക്കും കാറ്റും മഴയുമെല്ലാം അവഗണിച്ച്‌ മന്ത്രിയും സംഘവും അവര്‍ക്കരികിലേക്കെത്തുകയായിരുന്നു. ടെറസ് ഒഴികെ ബാക്കി എല്ലാ ഭാഗവും വെള്ളത്തിനടിയിലായിരുന്നു.

ഡാട്ടിയ ജില്ലയില്‍ പ്രളയത്തില്‍ ഒമ്പതുപേര്‍ വീടി​െന്‍റ മുകളില്‍ കുടുങ്ങിയിരുന്നു. വീടി​െന്‍റ മുകള്‍ഭാഗം ഒഴികെ ബാക്കി എല്ലാ ഭാഗവും മുങ്ങുകയായിരുന്നു. പ്രദേശത്തെ എം.എല്‍.എ കൂടിയാണ്​ മിശ്ര.

MP home minister @drnarottammisra was airlifted by from Kotra village in Datia he went by boat to Kotra where 9 persons were stranded but the boat fell flat as the boat got stuck due to a collapsed tree @INCMP says “stunt” for competitive politics @ndtv @ndtvindia pic.twitter.com/hYlw7fDUEL

— Anurag Dwary (@Anurag_Dwary) August 4, 2021

ശക്തമായ കാറ്റും വെള്ളക്കെട്ടും ഉണ്ടായിരുന്ന അവി​ടെക്കേ​ത്തിയതോടെ ബോട്ടിന്​ മുകളിലേക്ക്​ മരം ഒടിഞ്ഞുവീണ്​ മോട്ടര്‍ കേടാകുകയായിരുന്നു. തുടര്‍ന്ന്​ മന്ത്രി സര്‍ക്കാര്‍ അധികൃതര്‍ക്ക്​ ഹെലികോപ്​ടര്‍ ​േവണമെന്ന്​ ആവശ്യപ്പെട്ട്​ സന്ദേശം അയച്ചു. ഇതോടെ കുടുങ്ങി കിടന്ന ഒമ്ബതുപേരെയും മന്ത്രിയെയും ഹെലികോപ്​ടറില്‍ രക്ഷപ്പെടുത്തി.

കുടുങ്ങിക്കിടക്കുന്ന എല്ലാ ആളുകളെയും രക്ഷപ്പെടുത്തിയെന്ന് മന്ത്രി ആദ്യം ഉറപ്പുവരുത്തി, അതിനുശേഷം മാത്രമാണ് മന്ത്രി ഹെലികോപ്റ്ററിലേക്ക് കയറിയത്.

ഇതിന്റെ വിഡിയോ പുറത്തുവന്നത് സമൂഹമാധ്യമങ്ങളില്‍ ചര്‍ച്ചയായി.