അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചെന്നൈ:തിരഞ്ഞെടുപ്പ് കമ്മിഷനു സത്യവാങ്മൂലത്തിൽ ആഭരണശേഖരത്തിന്റെ വിവരങ്ങൾ നൽകി സ്ഥാനാർത്ഥികൾ.ആഭരണ ശേഖരത്തിൽ മത്സരിക്കുന്ന പ്രധാന വനിതാ നേതാക്കളെല്ലാം അതിസമ്പന്നകൾ.1.92 കോടി രൂപ വിലമതിക്കുന്ന സ്വർണാഭരണങ്ങളാണ് ധർമപുരി പിഎംകെ സ്ഥാനാർഥി സൗമ്യ അൻപുമണിക്കുള്ളത്.
കൂട്ടത്തിൽ അതിസമ്പന്നയും അൻപുമണിയാണ്.365 പവൻ ആണ് അൻപുമണിയുടെ ശേഖരത്തിലുള്ളത്.151.5 കാരറ്റ് വജ്രാഭരണങ്ങളും സൗമ്യക്കുണ്ട്. സൗത്ത് ചെന്നൈയിലെ ബിജെപി സ്ഥാനാർഥി തമിഴിസൈ സൗന്ദർരാജന് 200 പവൻ ആഭരണങ്ങളാണുള്ളത്. എതിരാളി ഡിഎംകെയുടെ തമിഴച്ചി തങ്കപാണ്ഡ്യന്റെ സ്വർണ ശേഖരം 158.75 പവനാണ്.
വിരുദുനഗറിലെ ബിജെപി സ്ഥാനാർഥിയും നടിയുമായ രാധിക ശരത്കുമാറിന് 93.75 പവൻ സ്വർണം സ്വന്തമായുണ്ട്. തൂത്തുക്കുടിയിൽ രണ്ടാം വട്ടം ജനവിധി തേടുന്ന കനിമൊഴിയുടെ സ്വർണ സമ്പാദ്യം 88 പവനാണ്. മയിലാടുതുറൈയിലെ കോൺഗ്രസ് സ്ഥാനാർഥി ആർ.സുധയ്ക്ക് 60 പവൻ സ്വർണമാണുള്ളത്. കരൂരിൽ വീണ്ടും മത്സരിക്കുന്ന ജ്യോതിമണിക്കാണു കൂട്ടത്തിൽ കുറഞ്ഞ ആഭരണ ശേഖരം. 30 പവൻ സ്വർണമാണ് ജ്യോതിമണിയുടെ സമ്പാദ്യം.
ചിദംബരത്തെ സിറ്റിങ് എംപിയായ വിസികെ നേതാവ് തോൾ തിരുമാവളവന് സ്വന്തമായി സ്വർണമോ വെള്ളിയോ ഇല്ലെന്ന് തിരഞ്ഞെടുപ്പ് കമ്മിഷന് നൽകിയ സത്യവാങ്മൂലത്തിൽ പറയുന്നു. 2.07 കോടി രൂപയുടെ ജംഗമ സ്വത്തുക്കളും 28.62 ലക്ഷം രൂപയുടെ സ്ഥാവര സ്വത്തുക്കളും തിരുമാവളവനുണ്ട്.
Read also :ഹാഷിമിന്റെ കൂടെ പോകാൻ തയ്യാറായില്ല: വിളിച്ചപ്പോൾ പൊട്ടിക്കരഞ്ഞ് അനൂജ: പിന്നാലെ മരണവാർത്ത
