അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശശീരത്തിൽ ഒരു ചെറിയ മുറിവുണ്ടായാൽ പോലും വലിയ വേദനയാണ് ഉണ്ടാകുന്നത്. അങ്ങനെയുള്ളപ്പോൾ വായിലൊരു കുഴിയിട്ടാൽ എങ്ങനെയുണ്ടാകും. വായിൽ കുഴിയിട്ട് വേൾഡ് റെക്കോർഡ് നേടിയ ഇരുപത്തിരണ്ട് കാരനായ ഒരു വ്യക്തിയുണ്ട് അങ്ങ് ജർമനിയിൽ. അദ്ദേഹത്തിന്റെ കഥയാണ് പറയുന്നത്.
ഗിന്നസ് ബുക്കിൽ ഇടം നേടാൻ ആളുകൾ പല കാര്യങ്ങളും ചെയ്യാറുണ്ട്. ഇതിനായി ശരീര കല അഭ്യസിക്കുന്നവരും ഉണ്ട്. ശരീരത്തിൽ വിവിധ തരം ആർട്ടുകൾ നടത്തി ശ്രദ്ധ പിടിച്ചു പറ്റുന്ന നിരവധി പേരുണ്ട്. എന്നാൽ അവരുടെ കൂട്ടത്തിൽ അൽപ്പം വ്യത്യസ്ഥനാണ് ജോയൽ മിഗ്ലർ.ശരീരകല ഒരു പക്ഷെ ഇതിന് മുൻപ് ആർക്കും ഇത്ര തീവ്രവും ഭീകരവുമായി തോന്നിയിട്ടുണ്ടാകില്ല. 22 വയസ്സുള്ള ഒരു ബോഡി ആർട്ട് പ്രേമിയാണ് ജോയൽ മിഗ്ലർ. തന്റെ കവിളിലൂടെ പല്ലിന്റെ വശത്തേക്ക് ഭീമാകാരമായ മാംസ തുരങ്കങ്ങൾ സൃഷ്ടിച്ചു ജോയൽ മിഗ്ലർ. ജർമ്മൻ മോഡലായ ഇയാൾ, 13 വയസ്സ് മുതൽ വ്യത്യസ്തമായ ഈ ‘കല’ പരീക്ഷിച്ചു വരികയായിരുന്നു. ജർമ്മൻ പൗരനായ ജോയൽ മിഗ്ലർ മുഖത്ത് ഏറ്റവും കൂടുതൽ തുരങ്കങ്ങൾ ഉണ്ടാക്കിയതിന്റെ പേരിൽ ഗിന്നസ് ലോക റെക്കോർഡ് സ്വന്തമാക്കുകയും ചെയ്തു. 22 കാരനായ ഇയാൾ തന്റെയീ പ്രത്യേകതയിൽ അഭിമാനം കൊള്ളുകയാണ്. മിഗ്ലറുടെ മുഖത്ത് ഏതാണ്ട്11 മാംസ തുരങ്കങ്ങളാണുള്ളത്. എല്ലാത്തിനുമുപരി, കവിൾത്തടങ്ങളിലെ ഏറ്റവും വലിയ തുരങ്കങ്ങൾക്ക് 14 മില്ലി മീറ്റർ നീളമുണ്ട്. വിചിത്രമായ ഗിന്നസ് ലോക റെക്കോർഡുകളിലൊന്നാണ് ജോയൽ മിഗ്ലറിന്റേത്. മുഖത്തിന്റെ ഇരുവശങ്ങളിലും ഉള്ള ദ്വാരങ്ങൾക്ക് ഏകദേശം 36 മില്ലിമീറ്റർ വീതിയുണ്ട്. പതിമൂന്നാം വയസ്സിൽ ആർട്ട് തുടങ്ങിയത് മുതൽ പരിഷ്ക്കരിക്കുന്ന ശരീരമിന്ന് അദ്ദേഹത്തിന് ഒരു ആസക്തിയായി മാറിയിരിക്കുന്നു. ആദ്യത്തെ മാംസ തുരങ്കം മിഗ്ലറിന്റെ ചെവിയിൽ ആയിരുന്നു. വളരെ വൈദഗ്ധ്യമുള്ള പ്രൊഫഷണൽ ബോഡി മോഡ് ആർട്ടിസ്റ്റ് ആണ് തന്റെ മുഖത്ത് തുരങ്കങ്ങൾ സൃഷ്ടിക്കുന്നതെന്ന് മിഗ്ലർ പറയുന്നു.
അദ്ദേഹം തന്റെ മുഖത്ത് വിശാലമായ ഒരു തുരങ്കം സൃഷ്ടിച്ചതിന് ശേഷം താൻ ഒരാഴ്ചത്തെ വേദന അനുഭവിച്ചതായും ജോയൽ പറയുന്നു. എന്നാൽ സുഖം പ്രാപിച്ചപ്പോൾ തന്നെ അടുത്ത തുരങ്കത്തെ കുറിച്ച് ചിന്തിക്കാൻ തുടങ്ങി. 2014 നവംബർ 27 ന് ജർമ്മനിയിലെ കുസാബെർഗിൽ വെച്ച് ജോയൽ മിഗ്ലർ നേടിയതാണ് ‘ഏറ്റവും കൂടുതൽ മാംസ തുരങ്കങ്ങൾ (മുഖം)’ എന്ന ലോക റെക്കോർഡ്. അവന്റെ മാംസ തുരങ്കങ്ങൾക്ക് 3 മുതൽ 34 മില്ലിമീറ്റർ വരെ വലിപ്പമുണ്ട്. അവാർഡ് നേടുന്ന സമയത്ത് അദ്ദേഹത്തിന് ആകെ 11 മാംസ തുരങ്കങ്ങളാണ് ഉണ്ടായിരുന്നത്. കവിളുകളിൽ വലിയ ദ്വാരങ്ങൾ ഉണ്ടാക്കുന്നതും നാവ് പിളർത്തുന്നതും ഉൾപ്പെടെയുള്ള കലാ പരിപാടികൾ ഇദ്ദേഹം മുഖത്ത് ചെയ്തിട്ടുണ്ട്. കൂടാതെ ടാറ്റുവും ചെയ്തിട്ടുണ്ട്. ദ്വാരങ്ങളിൽ ഇയാൾ ആഭരണങ്ങൾ ധരിക്കുകയും ചെയ്യുന്നു. ‘ആഭരണങ്ങൾ എന്റെ പല്ലിൽ തൊടുന്നില്ല, ഭക്ഷണം കഴിക്കുന്നതിനും കുടിക്കുന്നതിനും ഒരു പ്രശ്നവുമില്ല. എനിക്ക് മുമ്പത്തേക്കാൾ ചെറിയ കടികൾ മാത്രമേ എടുക്കാൻ കഴിയൂ. എന്നിരുന്നാലും, ആവശ്യമെങ്കിൽ ദ്വാരങ്ങൾ അടയ്ക്കാൻ പ്ലഗുകൾ ഉണ്ട് – ഉദാഹരണത്തിന്, സൂപ്പ് കഴിക്കുമ്പോൾ ‘ മിഗ്ലർ പറയുന്നു. വിചിത്രമായ തന്റെ രൂപം തന്റെ കാമുകിയെ പ്രണയത്തിൽ നിന്ന് പിന്തിരിപ്പിക്കുന്നില്ല, അവളും ശരീര പരിഷ്ക്കരണത്തിലാണ്. മൂന്ന് വായിൽ ഭക്ഷണം കഴിക്കുന്നതും ഒരു പ്രശ്നമായി തോന്നുന്നില്ല. ഗിന്നസിന്റെ ലോക റെക്കോർഡുകൾ എല്ലായ്പ്പോഴും അവിശ്വസനീയവും വിചിത്രവുമാണ് എന്നാൽ കൂടി, അവയിൽ തന്നെ ഏറ്റവും വിചിത്രമായ പത്ത് റെക്കോർഡുകളിൽ ഒന്നാണ് ‘ഏറ്റവും കൂടുതൽ മാംസ തുരങ്കങ്ങൾ (മുഖം) ‘ എന്ന പേരിൽ അടയാളപ്പെടുത്തിയിരിക്കുന്ന ഈ റെക്കോർഡ്. അസാധാരണമായ ഈ ബോഡി ആർട്ടിന് ഒരു പ്രത്യേക പേരില്ലെന്നാണ് മിഗ്ലർ പറഞ്ഞത്. എന്നാൽ അവയുടെ വലുപ്പം 40 മില്ലിമീറ്ററായി ഉയർത്താനാണ് താൻ ലക്ഷ്യമിടുന്നത് എന്ന് കൂടി മിഗ്ലർ കൂട്ടി ചേർത്തു.
Story Highlights ;The man with his face pierced
