അന്വേഷണം വാർത്തകൾ ലഭിക്കാന് വാട്സാപ്പ് ഗ്രൂപ്പില് ചേരൂ.റസ്റ്റോറന്റ് സ്റ്റൈലിൽ ഒരു സൂപ്പർ ബീഫ് കൊണ്ടാട്ടം ഉണ്ടാക്കാം. വളരെ എളുപ്പത്തിൽ തയ്യാറാക്കാൻ കഴിയുന്ന ഈ വിഭവം അപ്പത്തിനും, ഇടിയപ്പത്തിനും കൂടെ കഴിക്കാൻ അടിപൊളിയാണ്. വളരെ കുറഞ്ഞ സമയം കുറച്ച് സാധങ്ങൾ ഉപയോഗിച്ച് പെട്ടന്ന് ഉണ്ടാക്കിയെടുകാവുന്നതാണ് ഇത്. കുട്ടികൾ മുതൽ വലിയവർക്കു വരെ ഇഷ്ട്ടപെടുന്ന വിഭവം.
ആവശ്യമായ ചേരുവകൾ
ബീഫ് – 500
ഉള്ളി – 1
വിനാഗിരി – 1സ്പൂൺ
മുട്ട – 1
മല്ലി – 1/2
മഞ്ഞൾ പൊടി – 1/2
കുരുമുളക് – 1/2
മൈദ – 1/2
കോൺ ഫ്ലോർ – ½
വറ്റൽ മുളക് – 4
കറിവേപ്പില
ഇഞ്ചി, വെളുത്തുള്ളി
തേങ്ങ കൊത്ത്
അണ്ടിപരിപ്പ് – 4
ടൊമാറ്റോ സോസ് – 3 സ്പൂൺ
തയ്യാറാകുന്ന രീതി
ബീഫ് ചെറുതായി മുറിച്ചതിലേയ്ക് ഒരു സ്പൂൺ മഞ്ഞൾ പോടി, ഉപ്പ്, വിനാഗിരി, കുറച്ച് വെള്ളം എന്നിവച്ചേർത്തു മൂടിവെച്ചു വേവിച്ചെടുകാം. വേവുച്ചെടുത്ത ബീഫിലേയ്ക് ഒരു മുട്ട ചേർത്ത് ഇതിലേയ്ക് ഒരു സ്പൂൺ മുളക് പൊടി, കുരുമുളക് പൊടി, മഞ്ഞൾ പൊടി, മല്ലിപൊടി, ഇഞ്ചി വെളുത്തുള്ളി പേസ്റ്റ്, ഉപ്പ്, മൈദപൊടി, കോൺഫ്ലോർപൊടി എന്നിവ ചേർത്ത് നല്ലപോലെ മിക്സ് ചെയ്തെടുക്കുക. ഇനി ഈ മസാലയൊക്കെ ബീഫിലേയ്ക് പിടിക്കാൻ വേണ്ടി ഒരു അരമണിക്കൂർ മാറ്റിവെക്കുക. ശേഷം തിളച്ച എണ്ണയിലേക് ഇട്ട് നല്ലപോലെ പൊരിച്ചെടുക്കുക. ഇനി മറ്റൊരു പാനിൽ കുറച്ച് വെളിച്ചെണ്ണ ഒഴിച്ച് ചൂടായിക്കഴിഞ്ഞാൽ ഇതിലേയ്ക് 4 വറ്റൽ മുളക് ചെറുതായി അരിഞ്ഞത് ഇട്ടുകൊടുക്കാം. വെളുത്തുള്ളി, പച്ചമുളക്, കറിവേപ്പില, കുറച്ച് തേയങ്ങ കൊത്തും, അണ്ടിപരിപ്പും ഒരു സവാളയുടെ പകുതിയും കൂടെ ചേർത്ത് നന്നായി വഴറ്റിയെടുക്കുക. ഇനി ഇതിലേയ്ക് ഒരുസ്പൂൺ മുളക്പൊടി, മൂന്ന് സ്പൂൺ ടൊമാറ്റോ സോസ് ചേർക്കാം. ഇനി ഇതിലേയ്ക് ½ സ്പൂൺ വിനാഗിരി ചേർത്ത് നല്ലപോലെ ഇളക്കുക. നേരത്തെ തയ്യാറാക്കിയ ബീഫ് കൂടി ചേർത്ത് നല്ലപോലെ ഇളക്കുക. നല്ല കിടിലൻ ബീഫ് കൊണ്ടാട്ടം തയ്യാർ.
