അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഏറ്റവും പുതിയ റിപ്പോർട്ടുകളനുസരിച്ച് അടുത്ത മാസം, അതായത് ഫെബ്രുവരി ആദ്യത്തെയോ രണ്ടാമത്തെയോ ആഴ്ച കത്ര- ശ്രീനഗർ വന്ദേ ഭാരത് സർവീസ് സർവീസ് ആരംഭിച്ചേക്കും. നിലവിൽ നടന്നുകൊണ്ടിരിക്കുന്ന വിജയകരമായ ട്രയൽ റണ്ണുകൾക്ക് ശേഷമാണിത്. നോർത്തേൺ റെയിൽവേ സോണിനു കീഴിലാണ് ഈ സെമി-ഹൈ-സ്പീഡ് ട്രെയിൻ ഓടുക. ഇരു പ്രദേശങ്ങളും തമ്മിലുള്ള കണക്ടിവിറ്റി വർധിപ്പിക്കുന്ന സർവീസ് വികസനത്തിന്‍റെ ഏറ്റവും പുതിയ അധ്യായം കൂടിയാണ് തുറക്കുന്നത്.
ലോകത്തെ ഏറ്റവും ഉയരം കൂടിയ റെയില്‍വേ പാലമായ ചെനാബ് ബ്രിഡ്ജിലൂടെ കടന്നു പോകുന്ന കത്ര- ശ്രീനഗർ വന്ദേ ഭാരത് ഇന്ത്യയിലെ ആദ്യത്തെ കേബിള്‍-സ്‌റ്റേ റെയിലായ അന്‍ജിഖാഡ് പാലവും യാത്രയിൽ പിന്നിടും. ചിനാബ് നദീതടത്തില്‍ നിന്നും 359 മീറ്റര്‍ ഉയരത്തിലാണ് ചിനാബ് റെയില്‍ പാലം. ഉധംപൂർ-ശ്രീനഗർ-ബാരാമുള്ള റെയിൽ ലിങ്ക് വഴിയാണ് വന്ദേ ഭാരത് സർവീസ് നടത്തുക.
നിലവിൽ റോഡ് മാർഗം എട്ട് മുതൽ പത്ത് മണിക്കൂർ വരെ യാത്രയാണ് കത്രയിൽ നിന്ന് ശ്രീനഗറിലേക്ക് വേണ്ടത്. ശ്രീ മാതാ വൈഷ്ണോ ദേവി കത്രയ്ക്കും (എസ്‌വിഡികെ) ശ്രീനഗറിനും ഇടയിലുള്ള 190 ൽ അധികം കിമി ദൂരം വന്ദേ ഭാരതിന് വെറും മൂന്ന് മണിക്കൂറിനുള്ളിൽ പൂർത്തിയാക്കാം. 2 മണിക്കൂർ 30 മിനിറ്റ് ആണ് പരീക്ഷണ ഓട്ടത്തിൽ എത്തിയ സമയം.ജമ്മു കശ്മീരിലെ വെല്ലുവിളി നിറഞ്ഞ ശൈത്യകാലത്തെ നേരിടാൻ തക്ക ക്രമീകരണങ്ങളോടെയാണ് ഇവിടെ വന്ദേ ഭാരത് അവതരിപ്പിച്ചിരിക്കുന്നത്. ഇവിടുത്തെ തണുപ്പിൽ വെള്ളം ഐസാകാതിരിക്കാൻ ചൂടാക്കുന്ന സംവിധാനങ്ങൾ, പൂജ്യത്തിന് താഴെയുള്ള താപനിലയിൽ പോലും മികച്ച ഓപ്പറേഷൻ ഉറപ്പാക്കുന്ന ക്രമീകരണങ്ങൾ തുടങ്ങിയവയും ഇതിലുണ്ട്.
STORY HIGHLIGHTS: katra-srinagar-vande-bharat-express-launching-in-february-2025-route-stoppages-features
