അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബേക്കറികളിൽ കിട്ടുന്ന അതെ സ്വാദിൽ ഷാർജ ഷേക്ക് വീട്ടിൽ തയ്യാറാക്കിയാലോ? വളരെ രുചികരമായി എളുപ്പത്തിൽ ആർക്കും തയ്യാറാക്കാവുന്ന ഒരു റെസിപ്പിയാണിത്.
ആവശ്യമായ ചേരുവകള്‍
- പാല്‍ – 2 കപ്പ് (ഫ്രീസറില്‍ വച്ച് കട്ടിയാക്കിയത്)
- ഞാലിപ്പൂവന്‍ പഴം – 3 എണ്ണം ( നുറുക്കിയത്)
- പഞ്ചസാര – 3 ടേബിള്‍ സ്പൂണ്‍
- ബൂസ്റ്റ് – 1 ടേബിള്‍ സ്പൂണ്‍
- കശുവണ്ടി – 7-8 എണ്ണം
അലങ്കരിക്കാന്‍
- ഐസ് ക്രീം
- കശുവണ്ടി
- ബൂസ്റ്റ്
- ചെറി
തയാറാക്കുന്ന വിധം
ഒരു മിക്‌സിയുടെ ജ്യൂസറില്‍ പഴം, പാല്‍, പഞ്ചസാര, കശുവണ്ടി, ബൂസ്റ്റ് എന്നിവ ചേര്‍ത്ത് നന്നായി അടിച്ചെടുക്കുക. ഇത് വിളംമ്പാനുള്ള ഗ്ലാസിലേക്കു മാറ്റിയ ശേഷം ഐസ്‌ക്രീം കശുവണ്ടി ബൂസ്റ്റ് ചെറി എന്നിവ വച്ച് അലങ്കരിക്കാം.
