അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഔദ്യോഗിക വസതിയിൽനിന്നു നോട്ടുകെട്ടുകൾ കണ്ടെത്തിയെന്ന വിവാദ സംഭവത്തിന് പിന്നാലെ ഡൽഹി ഹൈക്കോടതി ജഡ്ജിയായിരുന്ന യശ്വന്ത് വർമ അലഹാബാദ് ഹൈക്കോടതി ജഡ്ജിയായി ചുമതലയേറ്റു. ചുമതലയേറ്റെങ്കിലും ജുഡീഷ്യൽ ചുമതലയിൽനിന്നു വിട്ടുനിൽക്കും. അലഹാബാദ് ഹൈക്കോടതിയിലേക്ക് ജസ്റ്റിസ് വർമയെ സ്ഥലംമാറ്റാനുള്ള നീക്കം നേരത്തെ തന്നെ വിവിധ ബാർ അസോസിയേഷനുകൾ എതിർത്തിരുന്നു.
യശ്വന്ത് വർമ ചുമതലയേറ്റതിനു പിന്നാലെ മാലിന്യം തള്ളാനുള്ള ചവറ്റുകുട്ടയല്ല അലഹാബാദ് ഹൈക്കോടതിയെന്നാണ് ബാർ അസോസിയേഷൻ പ്രതികരിച്ചത്. ഔദ്യോഗിക വസതിയോടു ചേർന്ന സ്റ്റോർ മുറിയിൽനിന്നു നോട്ടുകെട്ടുകൾ കണ്ടെത്തിയതുമായി ബന്ധപ്പെട്ട് നേരത്തെ ഡൽഹി ഹൈക്കോടതി ജഡ്ജിയായിരുന്ന യശ്വന്ത് വർമയെ സ്ഥലം മാറ്റിയിരുന്നു.
ജഡ്ജിയുടെ വസതിയിൽ തീപിടിക്കുകയും തുടർന്ന് തീ അണയ്ക്കാനെത്തിയ ഫയർഫോഴ്സ് സംഘം കെട്ടുകണക്കിനു പണം കണ്ടെത്തുകയുമായിരുന്നു. ഈ സംഭവുമായി ബന്ധപ്പെട്ട് അന്വേഷണം നേരിടുകയാണ് ജസ്റ്റിസ് യശ്വന്ത് വർമ.
STORY HIGHLIGHT: justice yashwant varma
