അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മുതിർന്നവർക്കും കുട്ടികൾക്കും ഒരുപോലെ ഇഷ്ടമുള്ള ഒന്നാണ് ചീസ്. ഈ ചീസ് കൊണ്ട് കിടിലൻ ചീസ് ബാൾസ്‌ തയാറാക്കാം. ഉണ്ടാക്കാൻ വളരെ എളുപ്പമാണ്. ചായക്കൊപ്പം കഴിക്കാൻ അടിപൊളിയാണ്.
ചേരുവകൾ:
വേവിച്ച ഉരുളക്കിഴങ്ങ്-2 എണ്ണം (ചെറുത്)
ചീസ്-1 കപ്പ് (ഗ്രേറ്റ് ചെയ്തത്)
മൈദ-2 ടേബിൾസ്പൂൺ
കുരുമുളക് പൊടി-¼ ടീസ്പൂൺ
ഗരം മസാല-¼ ടീസ്പൂൺ
മല്ലിയില-2 ടേബിൾസ്പൂൺ (അരിഞ്ഞത്)
ഉപ്പ്-ആവശ്യത്തിന്
എണ്ണ: വറുക്കാൻ ആവശ്യത്തിന്
ബ്രെഡ്ക്രംബ്സ്-1 കപ്പ്
തയാറാക്കുന്ന വിധം:
ഒരു പാത്രത്തിൽ ഉരുളക്കിഴങ്ങ് ഉടച്ച് എടുക്കുക. അതിലേക്ക് ചീസ്, മൈദ, കുരുമുളക് പൊടി, ഗരം മസാല, ഉപ്പ്, മല്ലിയില എന്നിവ ചേർത്ത് നന്നായി യോജിപ്പിക്കുക.ഈ കൂട്ട് ഉപയോഗിച്ച് ചെറുനാരങ്ങയുടെ വലിപ്പത്തിൽ ഉരുളകളാക്കുക. ഓരോ ഉരുളയും ബ്രെഡ്ക്രംബ്സിൽ മുക്കി എടുക്കുക. എണ്ണ ചൂടാക്കി ഈ ഉരുളകൾ അതിലിട്ട് വറുത്തെടുക്കുക. ബ്രൗൺ നിറമാകുമ്പോൾ എണ്ണയിൽ നിന്ന് കോരി എടുക്കുക. ടൊമാറ്റോ സോസിനൊപ്പം ചൂടോടെ വിളമ്പുക.
