അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കടകളിൽനിന്ന് വാങ്ങുന്ന ചിപ്സുകളിൽ മായം കലർന്നിട്ടുണ്ടാകുമെന്നതിനാൽ പലരും ഒഴിവാക്കാറാണ് പതിവ്. ഇനി ആ ടെൻഷനും വേണ്ട, വീട്ടിൽ വെച്ചുതന്നെ ചിപ്സ് നമുക്കുണ്ടാക്കാം. ഉരുളക്കിഴങ്ങ്, ബനാനാ ചിപ്സൊന്നുമല്ല, നല്ല ബീറ്റ്റൂട്ട്, കാരറ്റ് ചിപ്സുകളുണ്ടാക്കാം.
ബീറ്റ്റൂട്ട് ചിപ്സ്
ആവശ്യമായ സാധനങ്ങൾ
ബീറ്റ്റൂട്ടുകൾ – എണ്ണം (തൊലി കളഞ്ഞ് നേരിയതായി അരിഞ്ഞെടുത്തത്)
എണ്ണ – 1-2 ടീസ്പൂൺ
ഉപ്പ് – ½ ടീസ്പൂൺ
കുരുമുളക് – ¼ ടീസ്പൂൺ
ചാട്ട് മസാല ( ഒരു നുള്ള് , ആവശ്യമെങ്കിൽ മാത്രം)
തയ്യാറാക്കുന്ന വിധം
ആദ്യം അരിഞ്ഞ ബീറ്റ്റൂട്ടുകൾ 10 മിനിറ്റ് തണുത്ത വെള്ളത്തിൽ മുക്കിവയ്ക്കണം. അമിതമായുള്ള സ്റ്റാർച്ച് നീക്കം ചെയ്യാനാണ് ഇങ്ങനെ ചെയ്യുന്നത്. ശേഷം പേപ്പർ ടവലുകൾ ഉപയോഗിച്ച് പൂർണമായും ഉണക്കിയെടുക്കണം. ശേഷം ഓവൻ 180°Cൽ പ്രീഹീറ്റ് ചെയ്യുക. ബീറ്റ്റൂട്ട് കഷ്ണങ്ങളിൽ എണ്ണയും ഉപ്പും ചേർത്ത് നന്നായി ഇളക്കണം. 25-30 മിനിറ്റ് നേരം ചുട്ടെടുത്താൽ നല്ല ചിപ്സ് റെഡി.
