അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വാഷിങ്ടൺ: ചൈനയുൾപ്പടെയുള്ള രാജ്യങ്ങളിൽ നിന്നുള്ള ഭീഷണി മറികടക്കാനായി യു.എസ് സൈന്യത്തിൻെറ പുനർവിന്യാസം നടത്താൻ ഒരുങ്ങുന്നു. യുറോപ്പിലെ സൈനിക സാന്നിധ്യം കുറച്ച് ചൈനയുടെ ഭീഷണി നേരിടുന്ന ഇന്ത്യയുൾപ്പെടെ മറ്റു രാജ്യങ്ങളിൽ പുനർ വിന്യസിക്കുമെന്ന് യു.എസ് സ്റ്റേറ്റ് സെക്രട്ടറി മൈക്ക് പോംപിയോ അറിയിച്ചു.
ഇന്ത്യയുൾപ്പടെയുള്ള രാജ്യങ്ങൾക്ക് ചൈനയിൽ നിന്നുളള ഭീഷണി നേരിടുന്ന പശ്ചാത്തലത്തിൽ ജർമ്മനിയിൽ നിന്ന് സൈന്യത്തെ കുറച്ച് ഇന്ത്യ ഉൾപ്പെടെ വിന്യസിക്കും. ബ്രസൽസ് ഫോറം യോഗത്തിനിടെയാണ് പോംപിയോയുടെ പരമാർശം. ചൈനീസ് കമ്മ്യൂണിസ്റ്റ് പാർട്ടിയുടെ ഭീഷണിയെകുറിച്ചും അദ്ദേഹം പ്രസ്താവന നടത്തി.
ഇന്ത്യ, വിയറ്റ്നാം, ഇന്തോനേഷ്യ ഫിലിപ്പീൻസ് തുടങ്ങിയ രാജ്യങ്ങൾക്കെല്ലാം ചൈന ഭീഷണിയാണെന്നും പോംപിയോ പറഞ്ഞു.
