അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഒരു സമയത്ത് മലയാള സിനിമയില് നിറഞ്ഞുനിന്നിരുന്ന അഭിനേത്രിയായിരുന്നു കാവ്യ മാധവന്. എന്നാല് ഇപ്പോള് നടി സിനിമ മേഖലയില് നിന്നും വിട്ടുനില്ക്കുകയാണ്. ഇപ്പോളിതാ കാവ്യ മാധവന്റെ ഒരു പഴയകാല ഇന്റര്വ്യൂ ആണ് വളരെ ശ്രദ്ധ നേടുന്നത്. തന്റെ ആദ്യ വിവാഹ ബന്ധത്തെക്കുറിച്ചാണ് താരം സംസാരിക്കുന്നത്. അങ്ങനെ ഒരു യോഗം ഉണ്ടായിരുന്നിരിക്കാമെന്നും അത് താന് ഉള്ക്കൊണ്ടേ മതിയാകൂ എന്നും അത് ഉള്ക്കൊണ്ടില്ലെങ്കില് ചിലപ്പോള് ഭ്രാന്തായി പോകുമെന്നും പറയുകയാണ് നടി.
‘ഇനിയൊരിക്കലും അഭിനയിക്കില്ല എന്ന് ഞാന് എവിടെയും പറഞ്ഞിട്ടില്ല. അത് ദൈവത്തിന് അറിയാമായിരിക്കും എല്ലാം. ഞാന് തിരിച്ച് ഇവിടെ തന്നെയല്ലേ വന്നത്. എന്നെപ്പോലെ ചിന്തിക്കുന്ന ഒരു പെണ്കുട്ടിയെ സംബന്ധിച്ചിടത്തോളം വലിയ ഷോക്കായിരുന്നു ആ കാലഘട്ടം. ഞാന് ഒരുപാട് ശ്രമിച്ചിട്ടാണ് ഇപ്പോഴത്തെ അവസ്ഥയില് വന്നിരിക്കുന്നത്. ചിലപ്പോള് നമ്മള് ഇന്റര്നെറ്റില് നമ്മുടെ എന്തെങ്കിലും സെര്ച്ച് ചെയ്യാന് കയറിയാല് ഇതുപോലെത്തെ ചില കാര്യങ്ങള് ആയിരിക്കും വരുന്നത്. അപ്പോള് നമുക്ക് സ്വാഭാവികമായും ഒരു വിഷമം ഉണ്ടാകാം. പിന്നെ ഞാന് തന്നെ എന്നെ പറഞ്ഞ് മനസ്സിലാക്കും, ഞാന് എത്രയോ ആളുകളുടെ കൂടെ അഭിനയിക്കുന്നു, എത്രയോ ഫോട്ടോ എടുത്തേക്കുന്നു, അതുപോലൊരു ഫോട്ടോ ആണ് അത് എന്ന് ഞാന് എന്നെ പറഞ്ഞു മനസ്സിലാക്കും. അപ്പോള് എനിക്ക് വിഷമം ഉണ്ടാകില്ല. നമ്മുടെ ചിന്തയില് പോലും ഇല്ലാതിരുന്ന ഒരു വിഷയമാണ് എന്റെ ജീവിതത്തില് നടന്നത്. എനിക്ക് അങ്ങനെ ഒരു യോഗം ഉണ്ടായിരുന്നിരിക്കാം. അത് ഞാന് ഉള്ക്കൊണ്ടേ മതിയാകൂ.’
‘അത് ഉള്ക്കൊണ്ടില്ലെങ്കില് ചിലപ്പോള് ഭ്രാന്തായി പോകും. മാനസികമായിട്ട് ഞാന് എത്ര സ്ട്രോങ്ങ് ആയിരുന്നു എന്ന് തിരിച്ചറിയുന്ന സമയമായിരുന്നു അത്. ആളുകള്ക്ക് എന്നോടുള്ള സ്നേഹം തന്നെയാണ് തിരിച്ചുവരാനുള്ള എന്റെ പ്രചോദനം. എന്നെ അത്രമാത്രം സ്നേഹിക്കുന്നുണ്ട്. എല്ലാവരും എന്ന് ഞാന് പറയില്ല, കാരണം നല്ലൊരു വിഭാഗം ആള്ക്കാര് എന്നെ കുറ്റം പറയുന്നവര് ഉണ്ടാകാം. സ്നേഹിച്ചവര് തന്നെ ഉണ്ടാവാം അതില്. അതല്ലാതെ എനിക്ക് വേണ്ടി എന്തും ചെയ്യാന് തയ്യാറായിട്ടുള്ള ഞാന് കണ്ടിട്ട് പോലുമില്ലാത്ത എത്രയോ ആളുകള്.. ഞാന് ആ സ്നേഹം ഒക്കെ യഥാര്ത്ഥത്തില് തിരിച്ചറിഞ്ഞ നിമിഷങ്ങള് ആയിരുന്നു അത്. നമുക്ക് എപ്പോഴും നമ്മുടെ മോശം സമയത്ത് ആരൊക്കെ നമ്മുടെ കൂടെ നില്ക്കുന്നു എന്നുള്ളതാണ് ചിന്തിക്കേണ്ടത്. എന്റെ കൂടെ വളരെ ഫ്രണ്ട്ലി ആയിട്ട് നിന്ന് എനിക്ക് എന്നും ഇവരൊക്കെ ഉണ്ടാകും എന്ന് ഞാന് ചിന്തിച്ചിരുന്ന ആളുകള് ഒന്നും ആ സമയത്ത് എന്റെ ഒപ്പം നിന്നില്ല. ഈ നിമിഷം വരെ എന്നെ വിളിക്കാത്ത ആളുകള് ഉണ്ട്.’
‘കാണാറുണ്ട് ചിലപ്പോള്.. അവാര്ഡ് ഫംഗ്ഷന്സിനൊക്കെ കാണാറുണ്ട്. അമ്മയുടെ മീറ്റിങ്ങിനും കാണാറുണ്ട്. ഞാനാ വൈരാഗ്യം അവരുടെ അടുത്തും കാണിക്കാറില്ല. അവരും എന്റെ അടുത്ത് കാണിക്കാറില്ല. എന്തിനാണ് അതൊക്കെ… ബഹുജനം പലവിധം ആണല്ലോ. എല്ലാവരും എന്നെക്കുറിച്ച് നല്ലതേ പറയാന് പാടുള്ളൂ അല്ലെങ്കില് എല്ലാവരും എന്നെ സ്നേഹിക്കണം എന്ന് എനിക്ക് ഒരിക്കലും വാശിപിടിക്കാന് ആവില്ല. താരതമ്യം ചെയ്യുമ്പോള് എനിക്ക് ഉറപ്പാണ് എന്നെ കൂടുതലും സ്നേഹിക്കുന്ന ആളുകള് തന്നെയായിരിക്കും ഉണ്ടാവുക. ഒരു 20 ശതമാനം എന്നെ വെറുത്താലും എനിക്കെതിരെ ആരോപണങ്ങള് ഉന്നയിച്ചാലും അത് എന്നെ ഒരു ഇത്തിരി പോലും ബാധിക്കാന് പോകുന്നില്ല. നമ്മളെ ഇത് ബാധിക്കുമ്പോള് അല്ലേ പ്രശ്നമുള്ളൂ. സോഷ്യല് നെറ്റ്വര്ക്കുകള്ക്കൊക്കെ ഒരുപാട് ഗുണങ്ങളുണ്ട്. ആ ഗുണങ്ങളൊക്കെ മറഞ്ഞു പോവുകയാണ് ഇതിന്റെ ദോഷങ്ങള് ഇങ്ങനെ എടുത്തു നില്ക്കുന്നതുകൊണ്ട്.’ കാവ്യ മാധവന് പറഞ്ഞു.
