അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജംഷഡ്പൂര്‍: തോക്കിന്‍മുനയില്‍ 17കാരിയെ കൂട്ടബലാത്സംഗത്തിനിരയാക്കിയ കേസില്‍ അഞ്ച് പേര്‍ അറസ്റ്റില്‍. ഝാര്‍ഖണ്ഡിലെ ജംഷ്ഡ്പൂരിലാണ് സംഭവം നടന്നത്. സുഹൃത്തിനെ കെട്ടിയിട്ടതിന് ശേഷമാണ് പെണ്‍കുട്ടിയെ ബലാത്സംഗം ചെയ്തത്- എന്‍ഡിടിവി റിപ്പോര്‍ട്ട്.
പെണ്‍കുട്ടിയും സുഹൃത്തും ബാഗ്‌ബേര മേഖലയില്‍ നില്‍ക്കുന്നതിനിടെ ഒരു സംഘം ആളുകളെത്തി സുഹൃത്തിനെ കെട്ടിയിട്ട് പെണ്‍കുട്ടിയെ കൂട്ടബലാത്സംഗത്തിന് ഇരയാക്കുകയായിരുന്നുവെന്ന് പൊലീസ് സൂപ്രണ്ട് തമിഴ് വണ്ണന്‍ പറഞ്ഞു. കേസിലെ പ്രതികളെ റിമാന്‍ഡ് ചെയ്തു. അതേസമയം, പ്രതികളിലൊരാള്‍ പ്രായപൂര്‍ത്തിയാകാത്തയാളാണെന്നും ഇയാളെ ജുവനൈല്‍ ഹോമിലേക്ക് അയച്ചുവെന്നും സൂപ്രണ്ട് അറിയിച്ചു. ഡാന്‍സ് ക്ലാസ് കഴിഞ്ഞ് മടങ്ങുന്നതിനിടെ ഒരു സംഘമാളുകളെത്തി തന്നെ തട്ടികൊണ്ട് പോകുകയായിരുന്നുവെന്നാണ് പെണ്‍കുട്ടിയുടെ മൊഴി.
